Samsung Galaxy-də vacib səs və siqnallar üçün bildirişləri necə aktiv etməli
«Səs bildirişləri» funksiyası Galaxy smartfon və ya planşetinizin köməyi ilə ətrafınızda nələrin baş verdiyini öyrənməyə kömək edir. Funksiya aktiv olduqda, o, seçdiyiniz səs kateqoriyalarını izləyəcək və onları aşkar etdikdə sizə xəbərdarlıq edəcək. Məsələn, tüstü detektorunun siqnalları, açıq qalmış soyuducu və ya körpə ağlaması barədə bildirişlər ala bilərsiniz.
Ətraf səslər haqqında bildirişləri necə aktiv etməli?
1. Parametrləriaçın və Xüsusi imkanlar bölməsinə keçin.
2. Eşitmənin yaxşılaşdırılması bölməsini açın.
3. Səs bildirişləri bəndinə toxunun.
4. Səs bildirişlərini aç seçin.
5. Növbəti düyməsini sıxın.
6. Bildirişin görünməli olduğu lazımi siqnalları qeyd edin və Aktiv edin düyməsini sıxın.
7. Tətbiqə audio yazmaq və bildirişlər göndərmək üçün icazə verin.
8. Hazırdır! İndi müəyyən səslər aşkar edildikdə, smartfonunuz onlar barədə bildiriş göstərəcək.
Funksiyanı aktivləşdirmək və söndürmək üçün "Səs bildirişləri" bölməsinin yuxarı hissəsindəki keçiddən istifadə edin.
Qeyd:
- Parametrlər menyusunda "Səs bildirişləri" bəndi yoxdursa, bu, funksiyanın cihazınızda dəstəklənmədiyi anlamına gəlir.
- Yazılan səslər cihazınızın yaddaşında saxlanılır və müəyyən müddətdən sonra avtomatik silinir.
Bildirişlərin alınma üsullarını necə tənzimləməli?
Tanınmış səs siqnalları haqqında bildirişləri tənzimləmək üçün aşağıdakı addımları yerinə yetirin:
1.Səs bildirişləri funksiyasını açın və ekranın sağ yuxarı küncündəki dişli çarx düyməsini basın.
2. Bildiriş yolları bölməsinə keçin..
Шаг 3. Lazımi bildiriş üsulunu təyin edin: yalnız vibrasiya, yalnız kamera flaşı, vibrasiya və flaş və ya bildirişsiz.
4. Bütün tanınmış səs siqnalları hadisə jurnalında qeyd olunacaq.
Bununla yanaşı, səs bildirişləri bildiriş panelində də göstəriləcək:
Tanınacaq səs növlərini necə tənzimləməli?
Cihazınızın tanıyacağı səs növlərini funksiyanın ilkin quraşdırılması zamanı seçmək olar.
Tanınan siqnalların siyahısını dəyişmək istəyirsinizsə, "* səs dinlənilir..." ("Səs növlərini redaktə edin", əgər funksiya aktiv deyilsə) bəndinə toxunun. Yaxud sağ yuxarı küncdəki dişli çarx işarəsinə toxunub "Səs növləri" bölməsinə keçin. Sonra bildiriş almaq istədiyiniz səsləri seçin.
Öz məişət texnikanızın səslərini də əlavə edə bilərsiniz ki, onlar barədə bildiriş alasınız. Bunun üçün aşağıdakı addımları yerinə yetirin:
1. Səs bildirişləri funksiyasını açın və ekranın sağ yuxarı küncündəki dişli çarx düyməsini basın.
2. Fərdi səslər bölməsinə keçin.
3. Səs əlavə edin bəndinə toxunun..
4. Tövsiyələrlə tanış olun və başlamaq üçün Yazın bəndinə toxunun.
45. Yazılış gedərkən məişət cihazının səs çıxarmasını təmin edin. Məsələn, mikrodalğalı sobada bir finjan suyu qızdırın.
6. Səs müəyyən edildikdən sonra ekranda "Məişət cihazı siqnalı" bildirişi görünəcək və yazılış dayanacaq. Proses bitdikdən sonra səsin düzgün tanındığına əmin olmaq üçün yazını dinləyə bilərsiniz. Sonra Davan edin düyməsini sıxın..
7. Siqnalını yazdığınız məişət cihazının adını daxil edin. Yadda saxlayın düyməsini sıxın.
8. Hazırdır! Siqnal yazısı səslər kitabxanasında görünəcək.
Qeyd:
Yazdığınız siqnal başqa kateqoriyadan olan səslər kimi də tanına bilər. Bu halda siz bir neçə bildiriş alacaqsınız.
Funksiyanın sürətli işə salınmasını necə tənzimləməli?
Siz smartfonda "Səs bildirişləri" funksiyasını işə salacaq bir və ya bir neçə hərəkət təyin edə bilərsiniz.
- Parametrlər > Xüsusi imkanlar > Eşitmənin yaxşılaşdırılması > Səs bildirişləri bölməsini açın.
- Səs bildirişləri qısayolu bölməsinə keçin.
- Funksiyanı aktiv edin.
- Funksiyanın idarəetmə pəncərəsini açacaq hərəkətləri seçin.
Qeyd:
Funksiya nişanlarını yığışdırmaq və ya düymələrə basmaqla onun çağırılmasını söndürmək üçün "Səs bildirişləri qısayolu"nun sağındakı sürüşdürmə düyməsini qeyri-aktiv vəziyyətə gətirin.
Funksiyanın çağırılmasını aşağıdakı düymələr vasitəsilə təyin edə bilərsiniz:
- yan düyməni və səsi artırma düyməsini eyni vaxtda sıxmaqla;
- səs tənzimləmə düymələrini 3 saniyə ərzində basıb saxlamaqla.
"Cəld parametrlər panelindəki düyməyə vurun" tənzimləməsini seçsəniz, funksiyanı cəld tənzimləmələr panelindən (pərdədən) aktivləşdirə bilərsiniz.
"Xüsusi imkanlar düyməsinə vur" parametrlərini tənzimləmək üçün iki ssenaridən birini seçə bilərsiniz. Bunun üçün adın sağındakı dişli çarx düyməsini basın və lazımi variantı seçin:
- Naviqasiya paneli. Bu halda ekranın aşağı sağ küncündə Əlçatanlıq nişanı — insan fiquru görünəcək. Funksiya ekranını açmaq üçün ona toxunun.
- Digər proqramlar üzərində göstər. Bu halda sizdə "Səs bildirişləri" funksiyasının yarımşəffaf nişanı görünəcək. Həmçinin onun ölçüsünü və şəffaflıq dərəcəsini tənzimləyə bilərsiniz. Əgər nişanın yerləşdiyi yer sizə narahatdırsa, sadəcə onu basıb saxlayaraq ekranda istənilən yerə sürükləyin. Funksiya ekranını açmaq üçün ona toxunun.
"Səs bildirişləri" funksiyası məişət səslərini və siqnallarını tanıyır və bu barədə Galaxy cihazınıza bildiriş göndərir. Bu funksiya "Əlçatanlıq" bölməsinə aiddir və smartfonun tənzimləmələrində aktiv edilir, onu ayrıca yükləməyə və quraşdırmağa ehtiyac yoxdur.
Funksiya tanınması halında bildirişin işə düşəcəyi səs növlərini tənzimləməyə imkan verir. Əlavə olaraq öz məişət cihazlarınızın səslərini də yaza bilərsiniz.
Cihazınız kateqoriyalardan birinə uyğun gələn siqnalı tanıdıqda, o, vibrasiya etməyə və flaşı yandırıb-söndürməyə başlayacaq. Siqnalın vaxtı və növü haqqında ətraflı məlumat bildiriş panelində və funksiyanın hadisə jurnalında əks olunacaq
Tövsiyələr Samsung şirkəti tərəfindən təqdim edilib və yoxlanılıb.
Şərhiniz üçün təşəkkür edirik!
Bütün sualları cavablandırın.